近排少爷揾到间卖法式甜品嘅店舖,名为 Baptiste Brichon Pâtisserie。

甜品卖相满分,甜品样靓可爱不在话下,味道亦十分唔错,尤其是企鹅。

当然,一分钱一分货,价钱亦相对比较高,每款甜品都是卖 45 澳门币。

可爱到爆灯的 Baptiste Brichon Pâtiss

Baptiste Brichon 係老闆嘅姓名。老闆係法国人,不过望落有D似意大利人。

虽然老闆望落比较Cool,其实都好 nice 嘅。

因为12月最大嘅节日係圣诞节关係,所以推出咗一系列同圣诞节有关嘅法式甜品。

可爱到爆灯的 Baptiste Brichon Pâtiss

先上全家幅,不过当日无买到圣诞树。后尾先知原来要买一整套先至会包埋圣诞树。

唉,有些失落。 

可爱到爆灯的 Baptiste Brichon Pâtiss

首先介绍可爱甜品之一嘅雪人。Snowman 係由海绵蛋糕、日本富士苹果果肉、白桃果冻、茉莉花茶慕丝、玉米片和薄脆饼乾整成。最好味係条颈巾,有种棉花糖嘅口感,不过其实应该係日本富士苹果果肉。可爱程度只係仅仅比鹿低DD(可能输係个鼻唔够大 XD同埋又係得个头)。

可爱到爆灯的 Baptiste Brichon Pâtiss

其次,亦都係可爱甜品之二嘅圣诞老人。Santa Claus 嘅组成部分有红绒毛海绵蛋糕、 红莓果酱、脆米片和黑朱古力忌廉。

可爱到爆灯的 Baptiste Brichon Pâtiss

第三款要介绍嘅係鹿。Deer 係由朱古力曲奇海绵蛋糕、软心朱古力再加薄片朱古力薄荷慕丝所整成。薄荷味十分浓郁。鹿嘅红鼻子係马卡龙黎嘅,可爱程度只仅次于企鹅(因为又畀甜品大厨斩首)。

可爱到爆灯的 Baptiste Brichon Pâtiss

第四款係人人都想收到嘅礼物。少爷係个孝顺仔,所以让咗爸爸同妈妈试。Gift 裹面有柚子千层班㦸蛋糕、牛奶朱古力脆脆同埋伯爵红茶慕丝。妈妈试完后讚不绝口,爸爸则一副无咩特别嘅样子。

可爱到爆灯的 Baptiste Brichon Pâtiss

第五款係一款颇为特别嘅甜品。将圣诞老人斩首已经够晒惨惨猪,仲要卖埋颈以下嘅身躯。

这款名为倒转圣诞老人 Santa Claus Up Side Down 係用车厘子果肉海绵蛋糕、车厘子果冻、再加上香草炼奶慕丝和朱古力曲奇。係一个咁开心嘅圣诞节,居然要食圣诞老人落肚。

脚同皮带都係由朱古力所组成。可爱程度我简直係无言,相反,恐布程度真係好高。

可爱到爆灯的 Baptiste Brichon Pâtiss 

好!来到最后压轴登场嘅呢款甜品係少爷心目中,无论卖相同味道都係远远超过 45 蚊嘅价值。假如你身上只有 45 蚊,又唔知买边款甜品先至好,咁少爷一定推荐你买呢款甜品。包你赚超过45蚊。佢就係六款甜品之中最可爱,亦都係味道最无得弹嘅企鹅。

Penguin 係由黑朱古力海绵蛋糕、白朱古力慕丝及牛奶朱古力奶油夹心所组成。因为少爷係朱味力控,所以偏心就必然的。真係想食多次(可能係唯一一款甜品无畀厨师斩首XD)。

因为依家已经过了圣诞节,所以圣诞系列法式甜品可能已经无再出,不过不妨碰下运气。就算买唔到圣诞甜品,都可以见一见呢位靓仔嘅法国厨师啦!

甜品材料

可爱到爆灯的 Baptiste Brichon Pâtiss

坐标:22.199267, 113.540903

地点:Baptiste Brichon Pâtisserie

地址:澳门连胜街4号益利大厦地下B座

巴士路线:M201 白鸽巢前地﹣8A,18,18A,19,26

M124 白鸽巢总站﹣17

营业时间:12 p.m.至 8 p.m.

延伸阅读: